Ykdysady diplomatiýa ugry boýunça okuw sapagy
2023-nji ýylyň 20-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Ykdysady diplomatiýa” ugry boýunça Türkmenistanyň Daşary işler ministrliginiň Halkara gatnaşyklary institutynyň talyplaryna “Bank sowatlylygy” atly temadan okuw sapagy geçirildi.
Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň dosenti, teh.y.k. Öwezmyrat Bäşimow alyp bardy.
Häzirki döwürde bank ulgamynyň sazlaşykly ösüşini üpjün etmek örän ýerlikli ugurlaryň biridir. Çünki bank ulgamy ýurduň durmuş-ykdysady ýagdaýyny has-da ösdürmekde, dünýäniň ykdysady ulgamyna işjeň goşulmagynda ähmiýeti uludyr. Halkara hyzmatdaşlykda banklaryň orny, ýerine ýetirýän wezipeleri barada bellenilip geçildi. Sapagyň dowamynda bank ulgamynyň işleýiş düzgünleri, banklaryň kemala gelmegi, onuň ösmegi hem-de maýa goýumlar barada talyplara giňişleýin maglumatlar berildi.
Sapak sorag-jogap görnüşinde geçirildi. Talyplaryň soraglaryna anyk mysallaryň üsti bilen jogap berildi.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.