Ykdysady diplomatiýa ugry boýunça jemleýji okuw sapagy
2023-nji ýylyň 31-nji maýynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkezinde “Ykdysady diplomatiýa” ugrundan jemleýji okuw sapagy geçirildi. Oňa Türkmen döwlet ykdysadyýet we dolandyryş institutynyň talyplary gatnaşdylar. Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň dosenti, tehniki ylymlarynyň kandidaty Öwezmyrat Bäşimow alyp bardy.
Sapagyň barşynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň I ýyl talyby Güljeren Ataýewa “Telekeçileri daşary ýurt bazarlaryna çykarmakda halkara marketinginiň orny”, Halkara ykdysady gatnaşyklary fakultetiniň I ýyl talyby Abdyresul Nurberdiýew “Aşgabat şäheriniň awtobus gatnawyny logistikanyň nukdaýnazaryndan gurnamak”, şeýle-de şol fakultetiň III ýyl talyby Bilbil Berdiýewa “Bank ulgamynyň işini kämilleşdirmegiň usullary” atly ylmy işleri boýunça çykyş etdiler.
Şeýle hem sapagyň dowamynda Türkmen döwlet ykdysadyýet we dolandyryş institutynyň talyplary Gylyçbaý Jumaýew hem-de Ärmämmet Annaýew degişlilikde “Günbatar Türkmenistanyň rekreasion serişdelerini ulanmagyň ykdysady ekologik we syýahatçylyk mümkinçilikleri” we “Azyk howpsuzlygyny üpjün etmegiň esasy ugurlary” atly temalardan taýýarlanan täsirli maglumatlaryny slaýdlar arkaly görkezdiler.
Duşuşygyň ahyrynda talyplaryň we mugallymlaryň arasynda sowal-jogaplar alşyldy we ýüze çykan soraglara mugallym tarapyndan giňişleýin anyk jogaplar berildi.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.