Ykdysady diplomatiýa ugry boýunça göçme okuw sapagy geçirildi
2023-nji ýylyň 3-nji aprelinde Türkmen döwlet ykdysadyýet we dolandyryş institutynda Türkmenistanyň Daşary işler ministrliginiň Halkara gatnaşyklary institutynyň Türkmenistanyň diplomatiýasynyň möhüm ugurlary boýunça okuw merkeziniň Ykdysady diplomatiýa ugryna degişli «Diplomatiýa döwletiň daşary syýasatyny durmuşa geçirmegiň sungatydyr» atly temada göçme okuw sapagy geçirildi. Bu okuw sapagyna Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň dosenti, teh.y.k. Türkmenistanyň Adatdan daşary we Doly ygtyýarly Ilçisi, «Türkmenistanyň ussat diplomaty» diýen hormatly ada mynasyp bolan, halypa mugallym Çary Nyýazow, şeýle hem Türkmen döwlet ykdysadyýet we dolandyryş institutynyň talyplary gatnaşdylar. Talyplar üçin okuw sapagy örän täsirli boldy. Täze maglumatlara baý bolan bu sapagyň dowamynda Türkmenistanyň daşary syýasatynyň ösüşi barada talyp ýaşlar halypa mugallyma özlerini gyzyklandyrýan sowallar bilen ýüzlendiler.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallymy.