20/06/2023
971
Ýewropa Parlamentiniň wekilleri bilen geçen gyzykly duşuşyk
2023-nji ýylyň 20-nji iýunynda Türkmenistanyň Daşary işler ministrliginiň Halkara gatnaşyklary institutynda Ýewropa Parlamentiniň wekilleri bilen duşuşyk geçirildi. Duşuşyga ýokary okuw mekdebiniň professor-mugallymlary we talyplary gatnaşdylar.
Duşuşygyň dowamynda Ýewropa Parlamentiniň Ýewropa Bileleşiginiň Gazagystan, Gyrgyzystan, Özbegistan we Täjigistan bilen parlamentara hyzmatdaşlyk hem-de Türkmenistan we Mongoliýa bilen aragatnaşyklar komitetindäki wekiliýetiniň (“DCAS”) başlygy, Ýewropa Parlamentiniň Çehiýa Respublikasyndan agzasy Tomaş Zdehowski, “DCAS”-yň başlygynyň birinji orunbasary, Ýewropa Parlamentiniň Latwiýa Respublikasyndan agzasy, Ulag we syýahatçylyk komitetiniň başlygynyň orunnbasary Andris Ameriks, “DCAS”-yň başlygynyň ikinji orunbasary, Ýewropa Parlamentiniň Bolgariýa Respublikasyndan agzasy Atidze Aliewa Weli, Ýewropa Parlamentiniň Polşa Respublikasyndan agzasy, Ýewropa Parlamentiniň Ýewropa Bileleşiginiň Russiýa bilen parlamentara hyzmatdaşlyk komitetindäki wekiliýetiniň başlygy Riçard Çarneski, Ýewropa Parlamentiniň Germaniýa Federatiw Respublikasyndan agzasy, “DCAS”-yň agzasy Karsten Luke, Ýewropa Parlamentiniň Slowakiýa Respublikasyndan agzasy, Halkara söwdasy komitetiniň agzasy, Ýewropa Parlamentiniň Ýewropa Bileleşiginiň Russiýa bilen parlamentara hyzmatdaşlyk komitetindäki wekiliýetiniň agzasy Katarina Rot Newidalowa, Ýewropa Parlamentiniň Sekretariatynyň bölümçesiniň başlygy Nikkolo Rinaldi, Ýewropa Parlamentiniň Sekretariatynda Ýewropa Bileleşiginiň Daşary syýasat boýunça baş müdirliginiň komitetleri we wekiliýetleri boýunça kömekçi Wita Grifita, Ýewropa Parlamentiniň wekilleri Olinka Harmegnies we Anna Kaçmarek dagy çykyş edip, olar öz çykyşlarynda Parlamentiň alyp barýan işi, Türkmenistan we Ýewropa Bileleşiginiň arasyndaky hyzmatdaşlygyň ileri tutulýan ugurlary, häzirki döwürde diplomatik we parlamentara gatnaşyklarynyň wajyplylygy barada giňişleýin gürrüň berdiler.
Döwletýar ARÇAMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.