Ýaş diplomatlar üçin onlaýn okuw sapaklar
BMG-niň Merkezi Aziýa üçin Öňüni alyş diplomatiýasynyň sebit merkezi (UNRCCA) 2021-nji ýylyň 14-16-njy iýuly aralygynda Merkezi Aziýanyň we Owganystanyň ýaş hünärmen diplomatlary üçin onlaýn okuw sapaklaryny gurady. Bu çäre merkeziň esasy ileri tutulýan ugurlaryndan biri hökmünde hökümetleriň arasyndaky gatnaşyklarda öňüni alyş diplomatiýasynyň ösdürilmegini hem-de Merkezi Aziýanyň ýurtlarynyň döwlet işgärleriniň mümkinçiliklerini artdyrmak maksady kesgitleýän 2021-2025-nji ýyllar üçin (UNRCCA) Hereket Maksatnamasyna laýyklykda gurnaldy. Bu seminara 30 ýaşa çenli hünärmen diplomatlar, Merkezi Aziýa ýurtlarynyň Daşary işler ministrliginiň wekilleri, şeýle hem talyp ýaşlary gatnaşdy. Onlaýn görnüşde geçirilen okuw sapaklarynyň esasy temasy "Halkara gatnaşyklary ulgamynda öňüni alyş diplomatiýasynyň tärleri" boldy.
Çäräniň dowamynda gatnaşyjylar öňüni alyş diplomatiýasynyň tärleri we usullary babatynda bilimlerini çuňlaşdyrmaga mümkinçilik aldylar. Olar esasan hem:
- dawalaryň sebäpleri, öňüni alyş usullary we taraplaryň arasynda dawalary çözmek we birek-birege ynam döretmek çäreleri;
- BMG-niň parahatçylygy goraýyş amallarynda ulanylýan öňüni alyş çäreleri we parahatçylygy ýola goýmak;
- BMG-niň "Aýallar, Parahatçylyk we Howpsuzlyk" global meýilnamalarynda (BMG – niň BA 1325 Karary), “Ýaşlar, Parahatçylyk we Howpsuzlyk” (BMG BA 2250 Karary) we BMG Parahatçylyk Gurluşyk Gaznasynyň işi barada giňişleýin düşünje aldylar.
Altyn MAGTYMOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa
kafedrasynyň mugallymy