ÝAŞ DIPLOMATLAR MEKDEBINIŇ AGZALARYNYŇ ARASYNDA REFERAT BÄSLEŞIGI GEÇIRILDI
2025-nji ýylyň 5-nji dekabrynda Türkmenistanyň Daşary işler ministrliginiň Halkara gatnaşyklary institutynda Halkara Bitaraplyk güni mynasybetli “Bitarap Türkmenistan: halkara hyzmatdaşlygynyň dabaralanmasy” temasy boýunça institutyň talyplarynyň hem-de Ýaş diplomatlar mekdebiniň agzalarynyň arasynda referat bäsleşigi geçirildi. Bäsleşigiň düzgünnamasyna laýyklykda oňa gatnaşyjylar tarapyndan agzalan tema boýunça referatlaryň birnäçesini taýýarlanyp bäsleşige hödürlendi. Bäsleşige gatnaşanlar öz çykyşlarynda Garaşsyz, hemişelik Bitarap Döwletimiziň parahatçylyk söýüjilik, hoşniýetlilik, dostluk we ynanyşmak ýörelgelerine esaslanýan içeri we daşary syýasatyny üstünlikli durmuşa geçirýänligini, dünýädäki ornuny pugtalandyrmak we daşary döwletler bilen hyzmatdaşlygyň ileri tutulýan ugurlaryny ösdürmekde sebit we ählumumy derejede ähmiýetli başlangyçlar bilen çykyş edýändigini bellediler. Halkara Bitaraplyk güni mynasybetli geçirilen bu bäsleşik talyp ýaşlaryň ukyp-başarnyklaryny açyp görkezmekde, ýurdumyzyň hemişelik Bitaraplygynyň many-mazmunyny öwrenmekde möhüm ähmiýete eýe boldy.
Mähri DURDYNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.