VI Hazar Sammitiniň netijelerine bagyşlanan maslahat
2022-nji ýylyň 2-nji iýulynda Türkmenistanyň Daşary işler ministrliginiň Halkara gatnaşyklary institutynda VI Hazar Sammitiniň netijelerine bagyşlanan maslahat geçirildi. Maslahat Türkmenistanyň Daşary işler ministrliginiň Halkara gatnaşyklary institutynyň rektory Jumamyrat Gurbangeldiýewiň giriş sözi bilen başlandy. Maslahatyň dowamynda Türkmenistanyň Daşary işler ministrliginiň Halkara gatnaşyklary institutynyň Dünýä dilleri kafedrasynyň mugallymy Batyr Kairowyň, Jemgyýeti öwreniş ylymlary kafedrasynyň uly mugallymy, filosofiýa ylymlarynyň kandidaty Ogulgurban Ezimowa, Halkara hukugy we deňeşdirme hukuk öwreniş kafedrasynyň mugallymy Merjen Gurbannazarowanyň, Halkara ykdysady gatnaşyklary kafedrasynyň mugallymy Perhat Çaryýewiň, Halkara žurnalistikasy fakultetiniň 1-nji ýyl talyby Annaberdi Kaşaňowyň çykyşlary diňlenildi.
Çykyşlarda esasanam Hazarýaka döwletleriniň baştutanlarynyň gatnaşmagynda geçen altynjy Hazar sammitiniň ähmiýeti, garalan meseleler, kabul edilen çözgütler we öňe sürülen teklipler barada gürrüň edildi. Şeýle-de bu sammitiň jemleýji resminamasy bolan beýanatda bellenilip geçilen ähli ugurlaryň ähmiýetine giňişleýin üns berildi we sammitiň ýokary derejede gurnalandygy we üstünlikli geçenligi nygtalyp geçildi.
Maslahatyň ahyrynda oňa gatnaşyjylar Gahryman Arkadagymyza we Arkadagly Serdarymyza ýurdumyzda we halkara derejesinde öňe sürýän başlangyçlarymyzyň gyzgyn goldaw tapýandygy we üstünlikli durmuşa geçirilýändigi bilen baglanyşykly hoşallyk sözlerini aýtdylar şeýle hem Gahryman Arkadagymyza we Arkadagly Serdarymyza uzak ömür, jan-saglyk we tutumly işleriniň rowaç bolmagyny arzuw etdiler.
Batyr KAIROW,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.