TÜRKMENISTANYŇ ENERGETIKA DIPLOMATIÝASYNYŇ ESASY UGURLARY BOÝUNÇA OKUW SAPAGY
2024-nji ýylyň 2-nji aprelinde Türkmenistanyň Daşary işler ministrliginiň Halkara gatnaşyklary institutynda “Türkmenistanyň energetika diplomatiýasynyň esasy ugurlary we onuň üstünlikli amala aşyrylmagy” atly okuw sapagy geçirildi. Okuw sapagyny Halkara gatnaşyklary we diplomatiýa kafedrasynyň uly mugallymy, filosofiýa ylymlarynyň kandidaty Begenç Karaýew alyp bardy. Oňa institutyň Türkmenistanyň diplomatiýasynyň möhüm ugurlary boýunça okuw merkeziniň “Energetika diplomatiýasy” ugrunyň talyplary gatnaşdylar.
Okuw sapagynyň dowamynda B.Karaýew energetika diplomatiýasynyň ugurlary, halkara gatnaşyklarynda tutýan möhüm ähmiýeti, ösüşi, olaryň iş ýüzündäki orny we bu babatda Türkmenistanyň alyp barýan halkara hyzmatdaşlygy, şeýle hem Türkmenistanyň energetika diplomatiýasy globalizasiýanyň hem-de tehnika we tehnologiýanyň çalt ösýän, ylmyň we öňdebaryjy ylmy barlaglaryň gazananlarynyň ornaşdyrylýan häzirki zaman şertlerindäki halkara bileleşiginiň durmuşa geçirýän toplumlaýyn tagallalarynda garalýan durnukly ösüşiň global geljegi bilen berk baglanyşygy barada gürrüň berdi.
Täsirli geçen okuw sapagynyň dowamynda talyplar özlerini gyzyklandyrýan sowallara giňişleýin jogap aldylar.
Nurbibi GULJANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.