491
Türkmenistanyň BMG-niň düzümlerine saýlanmagynyň ähmiýetine bagyşlanan onlaýn tegelek stol maslahaty
2021-nji ýylyň 23-nji aprelinde Türkmenistanyň Daşary işler ministrliginiň Halkara gatnaşyklary institutynyň, Türkmen döwlet ykdysadyýet we dolandyryş institutynyň, Ýagşygeldi Kakaýew adyndaky Halkara nebit we gaz uniwersitetiniň, Türkmenistanyň inžener-tehniki we ulag kommunikasiýalary institutynyň professor-mugallymlarynyň hem-de talyplarynyň, Türkmenistanyň Milli Geňeşiniň Mejlisiniň deputatynyň we Halk Maslahatynyň agzalarynyň gatnaşmagynda Türkmenistanyň 2021-2023-nji ýyllarda BMG-niň Ýewropa Ykdysady Komissiýasynyň wise-başlyklygyna saýlanylmagynyň ähmiýetine bagyşlanan onlaýn “tegelek stol” maslahaty geçirildi.
Tegelek stol maslahatynda edilen çykyşlarda Türkmenistanyň BMG bilen hyzmatdaşlygynyň taryhy tejribesi, onuň 10-dan gowrak düzümlerinde hereket edýän agzalygynyň çäklerinde alnyp barylýan işler, parlamentara hyzmatdaşlygy, ekologiýa we durnukly daşky gurşawy kemala getirmek boýunça alnyp barylýan syýasat, ulag ulgamynda halkara hyzmatdaşlygynyň ýola goýulmagy we onuň BMG-niň çygryndaky işlerde ähmiýetiniň artmagy ýaly möhüm meseleleriň mazmuny açylyp görkezildi.
Tegelek stol maslahatynyň dowamynda bu ugur boýunça ýurdumyzda hormatly Prezidentimiziň parasatly ýolbaşçylygynda ýerine ýetirilýän ägirt uly işler barada anyk mysallar arkaly giňişleýin gürrüň edildi.
Aýlar ATAJYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby