Türkmenistan we Malaýziýanyň arasyndaky hyzmatdaşlyga bagyşlanan duşuşyk
2022-nji ýylyň 9-njy iýunynda Türkmenistanyň Daşary işler ministrliginiň Halkara gatnaşyklary institutynda türkmen-malaý gatnaşyklarynyň ösdürilmegi üçin Malaýziýanyň Türkmenistandaky Ilçihanasynyň işleri wagtlaýyn ynanylan wekili jenap Haýrul Hezri Bin Arefi bilen Türkmenistanyň Daşary işler ministrliginiň Halkara gatnaşyklary institutynyň okuw işleri boýunça prorektory G. Ýusupowanyň arasynda duşuşyk geçirildi.
Duşuşygyň dowamynda institutyň okuw işleri boýunça prorektory institutda hereket edýän okuw we ylmy merkezleri barada, şeýle hem iki ýurduň ýokary okuw mekdepleriniň arasyndaky, dostlukly ýurtlaryň gatnaşyklary, özara bähbitli hyzmatdaşlyk barada giňişleýin gürrüň berdi. Mundan başga-da, taraplar Halkara gatnaşyklary instituty we Malaýziýanyň ýokary okuw mekdepleriniň arasyndaky hyzmatdaşlygy has-da ösdürmek babatda birnäçe teklipler ara alyp maslahatlaşyldy.
Döwletýar ARÇAMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara
gatnaşyklary fakultetiniň I ýyl talyby.