Türkmenistan we Hytaý Halk Respublikasynyň arasyndaky hyzmatdaşlyga bagyşlanan duşuşyk
2023-nji ýylyň 12-nji iýulynda Türkmenistanyň Daşary işler ministrliginiň Halkara gatnaşyklary institutynda türkmen-hytaý gatnaşyklarynyň ösdürilmegi üçin Hytaý Halk Respublikasynyň Türkmenistandaky Adatdan daşary we Doly ygtyýarly Ilçisi jenap Sýan Naýçen bilen Türkmenistanyň Daşary işler ministrliginiň Halkara gatnaşyklary institutynyň rektory J.Gurbangeldiýewiň arasynda duşuşyk geçirildi.
Duşuşygyň dowamynda institutyň rektory institutda hereket edýän okuw we ylmy merkezleri barada, şeýle hem iki ýurduň ýokary okuw mekdepleriniň arasyndaky, dostlukly ýurtlaryň gatnaşyklary, özara bähbitli hyzmatdaşlyk barada giňişleýin gürrüň berdi. Mundan başga-da, taraplar Halkara gatnaşyklary instituty we Hytaý Halk Respublikasynyň ýokary okuw mekdepleriniň arasyndaky hyzmatdaşlygy has-da ösdürmek babatda birnäçe teklipler ara alyp maslahatlaşyldy.
Resmi duşuşykdan soňra jenap Sýan Naýçen institutyň okuw studiýasy hem-de «Parahatçylygyň ýaş çaparlary» akyl-paýhas bäsleşigi geçirilýän türkmeniň Ak öýi bilen ýakyndan tanyş boldy.
Merdan BERDINYÝAZOW,
Türkmenistanyň DIM-niň
Halkara gatnaşyklary institutynyň mugallymy