Türkmenistan – Marokko: ylym-bilim hyzmatdaşlygy işjeňleşýär
2022-nji ýylyň 1-nji iýunynda Türkmenistanyň Daşary işler ministrliginiň Halkara gatnaşyklary instituty bilen Marokko Patyşalygynyň Daşary işler ministrliginiň Diplomatik ylymlary akademiýasynyň ýolbaşçylarynyň arasynda sanly ulgam arkaly tegelek stol maslahaty geçirildi.
Maslahata Türkmenistanyň Daşary işler ministrliginiň Halkara gatnaşyklary institutyň rektory Jumamyrat Gurbangeldiýew we Marokko Patyşalygynyň Daşary işler ministrliginiň Diplomatik akademiýasynyň direktory Mohammed Hişam Bensoltan gatnaşdylar.
Maslahatyň başynda taraplar ýokary okuw mekdepleriň alyp barýan ylym-bilim, okuw-terbiýeçilik işleri barada özara pikir alyşdylar. Maslahatyň dowamynda 2019-njy ýylyň 23-nji sentýabrynda gol çekilen “Türkmenistanyň Daşary işler ministrliginiň Halkara gatnaşyklary instituty bilen Marokko Patyşalygynyň Daşary işler ministrliginiň Diplomatik akademiýasynyň arasynda özara düşünişmek hakynda Ähtnamanyň” çäklerinde alnyp barylýan ikitaraplaýyn hyzmatdaşlygy ösdürmegiň meselelerine garaldy.
Maral KARLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.
Şeýle hem bu barada şu ýerden okap bilersiňiz!