TÜRKMEN-AMERIKAN GATNAŞYKLARY BARADA OKUW SAPAGY GEÇIRILDI
2024-nji ýylyň 9-njy dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkezinde okuw sapagy geçirildi.
Okuw sapagynda Türkmenistanyň Amerikanyň Birleşen ştatlaryndaky Adatdan daşary we Doly ygtyýarly ilçisi Orazow Meret Baýramowiç türkmen-amerikan gatnaşyklary olaryň halkara guramalarynyň çäklerindäki hyzmatdaşlygy, hem-de Amerikanyň Birleşen Ştatlarynyň diplomatiýasynyň aýratynlyklary barada giňişleýin gürrüň berdi. Duşuşygyň dowamynda Türkmenistanyň ykdysady diplomatiýasynyň esasy ugurlary, olaryň iş ýüzündäki orny we bu babatda Türkmenistanyň alyp barýan halkara hyzmatdaşlygy hem-de türkmen-amerikan dostlukly gatnaşyklarynyň taryhy barada bellenilip geçildi.
Talyplar üçin bu okuw sapagy örän täsirli bolup, olar özlerini gyzyklandyrýan sowallara giňişleýin jogap aldylar.
Aýgül MÄMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň IV ýyl talyby.