TÄSIRLI GEÇEN DUŞUŞYK
2026-nji ýylyň 27-nji aprelinde Türkmenistanyň Daşary işler ministrliginiň Halkara gatnaşyklary institutynda Koreýa Respublikasynyň Türkmenistandaky Adatdan daşary we Doly ygtyýarly ilçisi Li Wonje bilen ikitaraplaýyn hyzmatdaşlyk bilen bagly meseleler boýunça duşuşyk geçirildi. Duşuşyga institutyň rektory Gülşat Ýusupowa we professor-mugallymlar gatnaşdylar. Taraplar ikitaraplaýyn hyzmatdaşlygyň has-da ýygjamlaşdyrylmagy we bilim ulgamyndaky mümkinçilikleriň ilerledilmegi barada söhbetdeş boldular.
Duşuşygyň dowamynda hormatly myhman üçin institutyň çäginde bilelikdäki gezelenç guraldy. Ilçi institutymyzyň çäginde hereket edýän «Türkmen diplomatiýasynyň taryhy» muzeýine, «Parahatçylyk medeniýeti» atly ÝUNESKO klubyna baryp gördi. Hormatly myhmana ol ýerdäki gymmatly maglumatlar bilen tanyşdyryldy. Bu duşuşyk we gezelenç hormatly myhmanda ýakymly täsir galdyrdy.
Güldäne AHMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 2-nji ýyl talyby.