SUW DIPLOMATIÝASY BOÝUNÇA NOBATDAKY OKUW SAPAGY GEÇIRILDI
2025-nji ýylyň 16-njy aprelinde Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň Suw diplomatiýasy ugrunda “Merkezi Aziýada suw diplomatiýasynyň orny” atly tema boýunça nobatdaky okuw sapagy geçirildi. Okuw sapagyny Türkmenistanyň Hazar deňzi institutynyň Hukuk işgärler we ýörite işler müdirliginiň başlygynyň orunbasary Gülşirin Çarygulyýewa alyp bardy.
Merkezi Aziýa ýurtlarynyň arasyndaky özara hereketleriň ähmiýetli ulgamlary we suw diplomatiýasynyň esasy ugurlary barada aýratyn durlup geçildi. Şeýle hem 2025-nji ýylyň 11-nji aprelinde ABŞ-nyň Nýu-Ýork şäherinde BMG-niň Baş Assambleýasynyň 79-njy sessiýasynyň 63-nji plenar mejlisinde “BMG-niň deňze çykalgasy bolmadyk ösüp barýan döwletler boýunça üçünji maslahatyny geçirmegiň tertibine goşmaça maglumat” atly Kararnamanyň ähmiýeti barada giňişleýin gürrüň edildi.
Talyplar üçin suw diplomatiýasy ugrundaky bu okuw sapagy örän täsirli boldy. Onda talyplar özlerini gyzyklandyrýan sowallara jogap tapdylar.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.