SANLY ULGAM ARKALY GEÇIRILEN DUŞUŞYK
2026-njy ýylyň 30-njy ýanwarynda Türkmenistanyň Daşary işler ministrliginiň Halkara gatnaşyklary institutynyň we Azerbaýjan Respublikasynyň ADA uniwersitetiniň wekilleriniň arasynda onlaýn duşuşyk geçirildi.
Bu onlaýn duşuşyga Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa, Türkmenistanyň Azerbaýjan Respublikasyndaky Adatdan daşary we Doly ygtyýarly Ilçisi Gurbanmämmet Elýasow, ADA uniwersitetiniň prorektory Fariz Ismailzade hem-de Azerbaýjan Respublikasynyň Türkmenistandaky Adatdan daşary we Doly ygtyýarly Ilçisi Gismat Gozalow dagy gatnaşdylar.
Duşuşygyň dowamynda wekiller okuw seminarlaryny bilelikde gurnamak, ylmy işleri alyp barmak, şol sanda makalalary, okuw kitaplary, gollanmalary neşir etmek, akademiki maksatnamalary alyş-çalyş etmek boýunça bilelikdäki guramaçylyk pudagynda mundan beýläkki hyzmatdaşlygyň geljegi barada pikir alyşdylar.
Merdan BERDINYÝAZOW,
Türkmenistanyň Daşary işler ministrliginiň
Halkara gatnaşyklary institutynyň uly mugallymy.
Bu barada şu ýerde hem okap bilersiňiz: