«Raýat goranyşy» boýunça okuw sapagy geçirildi
2023-nji ýylyň 31-nji oktýabrynda Türkmenistanyň Daşary işler ministrliginiň Halkara gatnaşyklary institutynda mugallymlaryň we talyp ýaşlaryň gatnaşmagynda «Raýat goranyşy» boýunça okuw sapagy geçirildi. Okuw sapagynyň dowamynda Türkmenistanyň Raýat goranyşynyň esasy wezipeleri, onuň guralyşynyň we işlemeginiň guramaçylyk ýörelgeleri, ýerine ýetiriji häkimiýet edaralary, kärhanalary, edaralaryň we guramalaryň ygtyýarlyklary, Türkmenistanyň raýatlary, daşary ýurtly raýatlaryň we raýatlygy bolmadyk adamlaryň raýat goranyşy babatyndaky hukuklary we borçlary, şeýle hem «Raýat goranyşy hakynda» Türkmenistanyň kanuny we onuň ähmiýeti barada giňişleýin gürrüň edildi.
Türkmenistanda geçirilýän wagyz-nesihat çäreleri ilatyň jemgyýetde ýüze çykýan özgertmeler boýunça habarlylygy bilen bir hatarda, raýat goranyşyň esaslyk kadalary bilen tanyşdyrmak boýunça meýilnamalaýyn işleri hem öz içine alýar. Okuw sapagynda çykyş edenler sözleriniň soňunda Demokratik, hukuk we dünýewi, Garaşsyz, hemişelik Bitarap Türkmenistan döwletinde Berkarar döwletiň täze eýýamynyň Galkynyşy döwründe durmuşa geçirilýän düýpli konstitusion özgertmeler bilen bagly giň möçberli iş¬le¬riň sakasynda duran, her bir raýat hakynda taýsyz tagallalary hem-de ýadawsyz aladalary edýän hormatly Prezidentimiz, Arkadagly Serdarymyza, türkmen halkynyň Milli Lideri, Gahryman we mähriban Arkadagymyza köp sagbolsunlaryny aýtdylar.
Atajan JORAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 3-nji ýyl talyby.