30/11/-0001
483
Peder pendi – nesillere ýörelge
2022-nji ýylyň 3-nji maýynda Türkmenistanyň Daşary işler ministrliginiň Halkara gatnaşyklary institutynyň, Türkmenistanyň Ministrler Kabinetiniň Baş arhiw müdirliginiň bilelikde gurnamagynda 1941–1945-nji ýyllaryň Beýik Watançylyk urşunda gazanylan Ýeňiş güni mynasybetli uruş weterany Prýaniçnikowa Antonina Pawlownanyň, Türkmenistanyň Ministrler Kabinetiniň Baş arhiw müdirliginiň wekiliniň, institutyň professor mugallymlarynyň hem-de talyp ýaşlarynyň gatnaşmagynda “Peder pendi – nesillere ýörelge (Berdimuhamet Annaýewiň, Mälikguly aganyň watançylyk sapaklary)” atly baýramçylyk dabarasy geçirildi.
Duşuşygyň dowamynda uruş weterany Prýaniçnikowa Antonina Pawlowna talyp ýaşlara Watany söýmegiň, ony gözüň göreji ýaly goramagyň ähmiýeti, uruş döwürlerinde görkezilen gahrymançylyklar, asuda we parahat durmuşda ýaşamagyň lezzeti, agzybirligiň we jebisligiň miweleri barada giňişleýin gürrüň berdi. Baýramçylykda guralan taryhy maglumatlara baý sergi we ýerine ýetirilen aýdym-sazlar dabara gatnaşanlarda has-da uly täsir galdyrdy.
Täsirli geçen duşuşygyň ahyrynda dabara gatnaşyjylar şeýle eşretli durmuşda ýaşamaga döredip berýän giň mümkinçilikleri üçin hormatly Prezidentimiziň adyna alkyş sözlerini aýtdylar.
Akgözel RASULOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 2-nji ýyl talyby.