Özbegistanyň ilçisi bilen duşuşyk
2022-nji ýylyň 28-nji iýunynda Türkmenistanyň Daşary işler ministrliginiň Halkara gatnaşyklary institutynda Özbegistan Respublikasynyň Türkmenistandaky Adatdan daşary we Doly ygtyýarly Ilçisi jenap Akmaljon Artykowiç Kuçkarow bilen Halkara gatnaşyklary institutynyň rektory Jumamyrat Gurbangeldiýewiň arasynda duşuşyk geçirildi.
Duşuşygyň dowamynda Türkmenistanyň Daşary işler ministrliginiň Halkara gatnaşyklary instituty we Özbegistanyň Merkezi Aziýa boýunça halkara instituty, Özbegistanyň Dünýä ykdysadyýeti we diplomatiýa uniwersiteti bilen hyzmatdaşlygy has hem artdyrmak boýunça birnäçe teklipler öňe sürüldi.
Duşuşykdan soň Jenap Ilçi institutyň Türkmen diplomatiýasynyň muzeýinde Özbegistanyň Dünýä ykdysadyýeti we diplomatiýa uniwersiteti tarapyndan iberilen kitaplary resmi ýagdaýda institutyň rektoryna gowşurdy.
Maksat HALMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.