OKUW SAPAGY GEÇIRILDI
2024-nji ýylyň 14-nji noýabrynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň guramagynda “Ýaş ykdysatçylar” ylmy gurnagynyň okuw sapagy geçirildi. Okuw sapagyna Halkara ykdysady gatnaşyklary kafedrasynyň dosenti, tehniki ylymlaryň kandidaty Öwezmyrat Bäşimow hem-de ýaş ykdysatçylar gatnaşdylar. Bu okuw sapagyny Halkara ykdysady gatnaşyklary fakultetiniň IV ýyl talyby Resul Gylyjow alyp bardy.
Sapagyň dowamynda Halkara ykdysady gatnaşyklary fakultetiniň Halkara ykdysadyýet ugry boýunça magistranty Oguldurdy Amanowa “Jemgyýetiň ykdysady pudaklarynda galyndysyz tehnologiýanyň orny”, şol fakultetiň IV ýyl talyby Ýupar Egirjäýewa “Dokma senagat pudagynyň ykdysadyýetinde galyndysyz tehnologiýanyň orny” atly temalary bilen çykyş edip, gatnaşyjylaryň soraglaryna giňişleýin jogap berdiler.
Okuw sapagynyň ahyrynda talyplar halypa mugallyma ýüzlenip, özlerini gyzyklandyrýan sowallaryna giňişleýin jogap aldylar.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň IV ýyl talyby.