MAÝA GOÝUMLARY DÜZÜM TAÝDAN KÄMILLEŞDIRMEGIŇ ESASY UGURLARYNA BAGYŞLANAN OKUW SAPAGY
2025-nji ýylyň 10-njy aprelinde Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «Türkmenistanyň daşary ykdysady syýasatynda maýa goýumlaryny düzüm taýdan kämilleşdirmegiň esasy ugurlary» atly okuw sapagy geçirildi.
Bu okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň mugallymy Gyzylgül Gurbanmuhamedowa alyp bardy. Okuw sapagynyň dowamynda Türkmenistanyň daşary ykdysady syýasatynda maýa goýumlaryň ähmiýeti barada giňişleýin gürrüň edildi.
Okuw sapagy oňa gatnaşyjylar üçin örän täsirli bolup, özlerini gyzyklandyrýan sowallara jogap tapdylar.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.