LANÇŽOU UNIWERSITETINIŇ WEKILLERI BILEN GEÇIRILEN DUŞUŞYK
2023-nji ýylyň 28-nji iýunynda Aşgabat şäherinde ýerleşýän “Arçabil” myhmanhanasynda Lançžou uniwersitetiniň we Türkmenistanyň Daşary işler ministrliginiň Halkara gatnaşyklary institutynyň arasynda duşuşyk geçirildi. Oňa iki ýurduň ýokary okuw mekdepleriniň wekilleri – Halkara gatnaşyklary institutynyň Halkara gatnaşyklary we diplomatiýa kafedrasynyň müdiri, t.y.d., professor, Adatdan daşary we Doly ygtyýarly Ilçi A.Rahmanow we Lançžou uniwersitetiniň Türkmenistany öwrenmek boýunça ylmy-barlag merkeziniň başlygy Wang Sihai gatnaşdylar. Duşuşygyň başynda taraplar bu ýokary okuw mekdepleriniň alyp barýan ylym-bilim, okuw-terbiýeçilik işleri bilen özara tanyşdylar. Maslahatyň dowamynda geljekde okuw maslahatlaryny bilelikde guramak, ylmy-amaly barlaglary geçirmek, akademiki çärelere gatnaşmak üçin özara çakylyklary, makalalary, okuw we görkezme gollanmalaryny, okuw maksatnamalaryny alyşmak ýaly ugurlarda hyzmatdaşlygy has-da ösdürmegiň meseleleri ara alnyp maslahatlaşyldy.
Merdan BERDINYÝAZOW,
Türkmenistanyň Daşary işler ministrliginiň
Halkara gatnaşyklary institutynyň mugallymy.