Kitap marafony
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz “Ömrümiň manysynyň dowamaty” atly kitabynda “Biz kitaphon jemgyýeti kemala getirmelidiris. Munuň üçin dünýä tejribesinden nusga alyp, öz tejribelerimizi peýdalanyp, käbir zatlary has kämilleşdirip, milli öwüşginler bilen baýlaşdyryp bileris. Biz her ýylyň sentýabr aýynda ýol hereketiniň howpsuzlygynyň biraýlygyny yglan edýäris. Munuň örän netijeli bolandygyna hemmämiz şaýat. Edil şonuň ýaly, ýurdumyzda her ýylda kitap okamagyň biraýlygyny yglan etsek, has göwnemakul bolardy” diýen çuňňur manyly sözlerinden ugur alyp, Türkmenistanyň Daşary işler ministrliginiň Halkara gatnaşyklary instituty ýurdumyzyň ýokary okuw mekdepleriniň magistrleriniň we talyplarynyň arasynda çeper eserleri okamak boýunça “Kitap marafonyny” yglan edýär.
“Halkara parahatçylyk we ynanyşmak” ýylynda Hemişelik Bitaraplygymyzyň 30 ýyllygy we Birleşen Milletler Guramasynyň döredilmeginiň 80 ýyllygyna bagyşlap 2025-nji ýylyň 24-nji sentýabryndan 24-nji oktýabry aralygynda geçiriljek, “Kitap marafonyna” ýokary okuw mekdeplerinden isleg bildirýän magistrleriň we talyplaryň maglumatlaryny 2025-nji ýylyň 20-nji sentýabryna çenli iirmfa.youngscientists@gmail.com elektron salga ugratmaly.