KIBERHOWPSUZLYGA BAGYŞLANAN OKUW SAPAGY
2024-nji ýylyň 1-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Bilim ministri tarapyndan tassyklanan meýilnama esasynda sanly bilim, sanly ykdysadyýet we kiberhowpsuzlyk boýunça ýurdumyzyň bilim edaralarynyň we daşary ýurtlaryň öňdebaryjy iş tejribelerini ýaýratmak maksady bilen okuw sapagy geçirildi.
Okuw sapagynda Türkmenistanyň «Halkbank» paýdarlar täjirçilik bankynyň Maglumat howpsuzlyk bölüminiň baş hünärmeni Mekan Annanurow, Türkmenistanyň «Halkbank» paýdarlar täjirçilik bankynyň Maliýe ykdysady seljeriş we usulyýet müdirliginiň Usulyýet bölüminiň başlygy Mährijemal Abdyrahmanowa dagy täsirli çykyş etdi.
Okuw sapagy Türkmenistanyň «Halkbank» paýdarlar täjirçilik banky tarapyndan döwletimizde nagt däl hasaplaşyklaryň gerimini giňeltmek boýunça alnyp barylýan işleriň çäklerinde ýurdumyzyň karz edaralary tarapyndan ornaşdyrylýan sanly bank hyzmatlarynyň, geçirilýän nagt däl hasaplaşyklaryň ähmiýeti, maglumat howpsuzlygy, kiberhowpsuzlyk babatda ýokary okuw mekdeplerinde bilim alýan talyp ýaşlaryň sowatlylygyny artdyrmak boýunça gurnaldy. Olaryň çykyşlary talyp ýaşlaryň gyzykly sowal-jogap alyşmalary bilen utgaşdy.
Mähri GUZYÇYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.