ILÇI BILEN GEÇIRILEN DUŞUŞYK
2026-njy ýylyň 10-njy iýunynda Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa bilen Finlýandiýa Respublikasynyň Türkmenistanda täze bellenen ilçisi hanym Maria Agreniň arasynda duşuşyk geçirildi.
Duşuşygyň barşynda taraplar türkmen-fin hyzmatdaşlygyny giňeltmek we medeni-ynsanperwer gatnaşyklary güýçlendirmek, ikitaraplaýyn hyzmatdaşlygyň esasy ugurlaryny ara alyp maslahatlaşdylar we ikitaraplaýyn gatnaşyklaryň geljegi uly ugurlary barada pikir alyşdylar.
Ikitaraplaýyn duşuşykdan soňra hormatly myhman institutyň çäginde hereket edýän türkmen diplomatiýasynyň milli muzeýine aýlanyp gördi. Bu duşuşyk we gezelenç hormatly myhmanda ýakymly täsir galdyrdy.
Taňryguly GELDIMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 3-nji ýyl talyby