ILÇI BILEN GEÇIRILEN DUŞUŞYK
2024-nji ýylyň 18-nji oktýabrynda Türkmenistanyň Daşary işler ministrliginiň Halkara gatnaşyklary institutynda ýokary okuw jaýynyň rektory Gülşat Ýusupowa bilen Malaýziýanyň Türkmenistandaky Adatdan daşary we Doly ygtyýarly ilçisi Mohd Suhaými Bin Ahmad Tadjuddiniň arasynda duşuşyk geçirildi.
Duşuşygyň barşynda taraplar türkmen-malaý hyzmatdaşlygy giňeltmek we medeni-ynsanperwer gatnaşyklary güýçlendirmek, ikitaraplaýyn hyzmatdaşlygyň esasy ugurlaryny ara alyp maslahatlaşdylar we ikitaraplaýyn gatnaşyklaryň geljegi uly ugurlary barada pikir alyşdylar.
Şeýle hem Ilçi institutymyzyň çäginde hereket edýän «Türkmen diplomatiýasynyň taryhy» muzeýine, «Hindi burçuna», «Parahatçylyk medeniýeti» atly ÝUNESKO klubyna baryp, olar dogrusynda gymmatly maglumatlar bilen tanyşdy.
Gülruh GELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň IV ýyl talyby.