Gazagystan Respublikasynyň Al-Farabi adyndaky gazak milli uniwersiteti bilen onlaýn arkaly duşuşyk
2023-nji ýylyň 11-nji aprelinde Türkmenistanyň Daşary işler ministrliginiň Halkara gatnaşyklary instituty bilen Gazagystan Respublikasynyň Al-Farabi adyndaky gazak milli uniwersitetiniň arasynda sanly ulgam arkaly duşuşyk geçirildi.
Onuň dowamynda bu iki ýokary okuw mekdepleriniň hünärmenleri, mugallymlary we talyplary çykyş etdiler.
Institutymyzyň mugallymlary öz çykyşlarynda ýokary okuw mekdebiniň çäginde alnyp barylýan işler dogrusynda belläp geçdiler. Talyplaryň okamak, bilimlerini artdyrmak, boş wagtlaryny peýdaly geçirmekleri üçin döredilen giň mümkinçilikleri aýratyn nygtap geçdiler.
Ýeri gelende belläp geçsek, 2021-nji ýylda Türkmenistanyň Daşary işler ministrliginiň Halkara gatnaşyklary instituty bilen «Al-Farabi adyndaky gazak milli uniwersiteti» täjirçilik maksatly bolmadyk paýdarlar jemgyýetiniň arasynda özara düşünişmek hakynda Ähtnama hem sanly ulgam arkaly gol çekilipdi. Bu Ähtnama hem iki ýokary okuw mekdepleriniň arasyndaky gatnaşyklary işjeňleşdirmäge uly itergi berdi. Bu Resminamada mugallymlaryň dürli ugurlardaky möhüm meseleleri boýunça bilelikde sapaklary geçirmek, okuw seminarlaryny guramak, ylmy-amaly maslahatlary we barlaglary geçirmek göz öňünde tutulandyr.
Mähriban GANDYMOWA,
Türkmenistanyň Daşary işler ministrliginiň
Halkara gatnaşyklary institutynyň mugallymy.
Bu barada şu ýerde hem okap bilersiňiz:
https://turkmenportal.com/tm/blog/60477