ENERGETIKA SYÝASATY WE HALKARA GURAMALAR BILEN HYZMATDAŞLYK BARADA OKUW SAPAGY GEÇIRILDI
2025-nji ýylyň 4-nji noýabrynda Türkmenistanyň Daşary işler ministrliginiň Halkara gatnaşyklary institutynda «Türkmenistanyň energetika syýasatyny ösdürmekdäki möhüm başlangyçlary we halkara guramalar bilen hyzmatdaşlygy» atly okuw sapagy geçirildi. Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň mugallymy Perhat Mahremow alyp bardy. Ol häzirki wagtda ýurdumyzyň daşary syýasatynyň möhüm ugurlarynyň biri bolan energetika diplomatiýasyny ösdürmekde alnyp barylýan işler, bu babatda öňe sürülýän möhüm başlangyçlar, iri energetika taslamalarynyň durmuşa geçirilişi, şeýle hem döwletimiziň halkara guramalary bilen alyp barýan köpugurly gatnaşyklary dogrusynda giňişleýin gürrüň berdi.
Şeýle okuw sapaklarynyň türkmen diplomatiýasynyň milli mekdebinde yzygiderli guralmagy talyp ýaşlaryň syýasy düşünjeleriniň kämilleşmegine, olaryň ýurdumyzyň parahatçylyk söýüjilikli daşary syýasatyna bolan gyzyklanmalarynyň artmagyna uly goşant goşýar.
Yhlas HALLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.