Energetika diplomatiýasynyň okuwlary tamamlandy
2022-nji ýylyň 10-njy iýunynda Türkmenistanyň Daşary işler ministrliginiň Halkara gatnaşyklary institutynyň Türkmenistanyň diplomatiýasynyň möhüm ugurlary boýunça okuw merkeziniň energetika diplomatiýasynyň möwsümleýin okuwlary tamamlandy. Bu okuwlara wideoaragatnaşyk arkaly Ýagşygeldi Kakaýew adyndaky Halkara nebit we gaz uniwersitetiniň talyplary we mugallymlary gatnaşdylar. Fakultatiw okuw sapaklaryny Halkara gatnaşyklary we diplomatiýa kafedrasynyň mugallymy Akmuhammet Jumagulyýew alyp bardy.
Möwsümiň ahyrky okuw sapagy şu ýylyň 10-njy iýunynda bolup, onda fakultatiw okuw sapaklaryna gatnaşan diňleýjiler energetika diplomatiýasy boýunça taýýarlan tanyşdyryş ýazgylaryny görkezdiler.
Okuw sapagynyň ahyrynda diňleýjiler Türkmenistanyň diplomatiýasynyň möhüm ugurlary boýunça okuw merkeziniň jogapkär hünärmenlerine sagbolsun aýdyp, geljekde hem bu merkez bilen okuw-ylmy we jemgyýetçilik işlerini dowam etdirmeklige isleg bildirdiler.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.