Energetika diplomatiýasyna bagyşlanan okuw sapagy geçirildi
2024-nji ýylyň 4-nji dekabrynda Türkmenistanyň Daşary işler ministrliginiň Halkara gatnaşyklary institutynda türkmen diplomatiýasynyň möhüm ugurlary boýunça okuw merkezinde okuw sapagynyň nobatdaky sany geçirildi.
Okuw sapagynyň dowamynda Türkmenistanyň Germaniýa Federatiw Respublikasyndaky Adatdan daşary we Doly ygtyýarly ilçisi Berdimyrat Rejepow «Türkmenistanyň we Germaniýa Federatiw Respublikasynyň arasyndaky gatnaşyklary olaryň halkara guramalarynyň çäklerindäki hyzmatdaşlyk. Germaniýa Federatiw Respublikasynyň diplomatiýasynyň aýratynlyklary» atly tema boýunça giňişleýin çykyş etdi. Şeýle hem okuw sapagynyň dowamynda energetika diplomatiýasynyň halkara gatnaşyklary ulgamyndaky ähmiýeti, ösüşi we Bitarap Türkmenistanyň energetika diplomatiýasynyň esasy ugurlary, bu babatda ýurdumyzyň alyp barýan syýasaty boýunça giňişleýin durlup geçildi.
Ilçiniň beren gyzykly gürrüňleri talyplarda uly gyzyklanma döretdi. Mundan başga-da, talyplar energetika we türkmen-german hyzmatdaşlygy boýunça özlerini gyzyklandyrýan sowallar bilen ilçä ýüzlenip, degerli maglumatlary aldylar. Institutda Türkmenistanyň diplomatiýasynyň möhüm ugurlary boýunça okuw sapaklarynyň geçirilmegi dowam edýär.
Nurjemal HANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.