Energetika diplomatiýasy boýunça okuw sapagy
2021-nji ýylyň 9-njy aprelinde Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň «Energetika diplomatiýasy» okuw otagynda institutymyza berkidilen Aşgabat şäheriniň 37-nji, 68-nji, 72-nji, 76-njy orta mekdepleriniň mugallymlarynyň we okuwçylarynyň gatnaşmagynda «Energiýanyň gaýtadan dikeldilýän çeşmeleri we Türkmenistanyň halkara hyzmatdaşlygy» atly tema boýunça okuw sapagy geçirildi. Okuw sapagynda institutymyzyň professor mugallymlary täsirli hem-de gyzykly maglumatlary bilen çykyş etdiler. Okuw sapagynyň esasy temasy energiýanyň gaýtadan dikeldilýän çeşmeleri, olaryň iş ýüzündäki orny we bu babatda Türkmenistanyň alyp barýan halkara hyzmatdaşlygy ýaly ugurlaryna bagyşlandy. Sapagyň dowamynda talyp ýaşlar hem-de okuwçylar özlerini gyzyklandyrýan soraglar bilen çykyş etdiler.
Nurana MUHYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.