“DÜNÝÄNIŇ BAR GÖRKI ENEDIR, ENE!” ATLY ÇEPER OKAÝYŞ BASLEŞIGI
2025-nji ýylyň 14-nji martynda Türkmenistanyň Daşary işler ministrliginiň Halkara gatnaşyklary institutynyň ilkinji Ýaşlar guramasy bilen Žurnalistikanyň nazaryýeti we amalyýeti kafedrasynyň ýanynda hereket edýän “Ýaş žurnalistler” ylmy-döredijilik gurnagynyň bilelikde guramagynda Ýaz paslynyň gelmegi, Milli bahar baýramy mynasybetli “Dünýäniň bar görki enedir, ene!” atly çeper okaýyş basleşigi geçirildi. Bäsleşige institutyň halkara žurnalistikasy fakultetiniň talyplary gatnaşdylar.
Bäsleşigiň dowamynda meşhur türkmen şahyrlarymyzyň kümüş saçly eneler, mährem ejeler baradaky goşgular ýaňlandy. Emin agzalaryň gelen netijelerine görä, oňa gatnaşan ähli talyplar ýeňiji diýlip yglan edildi. Bäsleşikde labyzly okaýyş boýunça çykyş eden talyplara gurnaýjylar tarapyndan ýadygärlik sowgatlary gowşuryldy.
Güljemile DÄDEBAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
III ýyl talyby.