Halkara Bitaraplyk gününe bagyşlanan prezentasiýa bäsleşigi geçirildi
2024-nji ýylyň 24-nji dekabrynda Türkmenistanyň Daşary işler
ministrliginiň Halkara gatnaşyklary institutynyň Dünýä dilleri kafedrasynyň
“Lingvo World” ylmy gurnagynyň guramagynda Halkara Bitaraplyk güni
mynasybetli “Prezentasiýa taýýarlamak” bäsleşigi geçirildi.
Bu bäsleşik talyplara halkara gatnaşyklarynda bitaraplygyň taryhy, etiki we
amaly taraplaryny öwrenmek üçin mümkinçilik döretdi.
Bäsleşik iňlis dilinde geçirilip, her fakultetden bir topar taýýarlanan
prezentasiýa boýunça çykyş etmek, talyplaryň döreden nyşanyny suratlandyrmak
we test işlemek ýaly şertler boýunça bäsleşdiler.
Şeýle-de bäsleşigiň dowamynda oňa gatnaşyjylar institutymyzda okadylýan
daşary ýurt dilleri bilen baglanyşykly soraglara jogap berdiler.
Bäsleşigiň netijelerine görä, I orna Halkara gatnaşyklary fakultetiniň topary,
II orna Halkara ykdysady gatnaşyklary fakultetiniň topary, III orna Halkara hukugy
we Halkara žurnalistikasy fakultetleriniň toparlary mynasyp boldy.
Wepa ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň iňlis dili mugallymy.