Çekeleşikli geçen akyl-paýhas bäsleşigi
2022-nji ýylyň 20-nji iýunynda Türkmenistanyň Daşary işler urnagynyň agzalarynyň gatnaşmagynda «Parahatçylygyň ýaş çaparlary» atly akyl-paýhas bäsleşigi geçirildi. Bu bäsleşikde talyplar «Türkmenistanyň daşary syýasatynyň ileri tutulýan ugurlary» atly temadan özara bäsleşdiler. Bäsleşige gatnaşan talyplar Türkmenistanyň daşary syýasatynyň ileri tutulýan ugurlary bolan suw diplomatiýasy, energetika diplomatiýasy we ulag diplomatiýasy boýunça birnäçe soraglara jogap berdiler, şeýle hem bu ugurlara degişli birnäçe täze maglumatlary öwrendiler.
Bäsleşik çekeleşikli geçip, onuň netijeleri boýunça Halkara gatnaşyklary fakultetiniň I ýyl talyplary Maksat Taganow we Dawut Nazmyradow baýrakly orunlara mynasyp boldular.
Ýeri gelende bellesek, 18-nji iýunda institutymyzda mekdep okuwçylarynyň gatnaşmagynda «Parahatçylygyň ýaş çaparlary» atly akyl-paýhas bäsleşiginiň gyzgalaňly geçen final oýny hem ýatdan çykmajak pursatlara baý boldy.
Institutda täze açylan Ýaş diplomatlaryň mekdebi tarapyndan gurnalýan «Parahatçylygyň ýaş çaparlary» atly akyl-paýhas bäsleşiginiň diňe bir okuwçylaryň arasynda däl, eýsem, talyplaryň arasynda hem geçirilmegi olaryň ukyp-başarnyklaryny artdyrmaga, watançylyk duýgusyny has-da berkitmäge itergi berýär.
Azym ÝANGIBAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.