Bütindünýä Ýer gününe bagyşlanan çäre
2023-nji ýylyň 20-nji aprelinde Birleşen Milletler Guramasynyň Çagalar gaznasynyň (UNICEF) Türkmenistandaky wekilhanasynyň we Türkmenistandaky “Bouygues Turkmen” kompaniýasynyň bilelikde gurnamagynda Bütindünýä Ýer gününe bagyşlanan çäre geçirildi. Çärä Durnukly ösüş maksatlarynyň Ýaş ilçileri hem-de mekdep okuwçylary gatnaşdylar. Şeýle-de Durnukly ösüş maksatlarynyň Ýaş ilçileri hem ýaş höwesjeňlere öz tejribelerini gürrüň berdiler.
Çäräniň dowamynda mekdep okuwçylary “Daşky gurşawy goramak” atly tema boýunça çykyş edip, özlerini gyzyklandyrýan mowzuklar barada sorag-jogap alyşdylar.
Çäräniň ahyrynda oňa gatnaşyjylar bilelikde agaç nahallaryny oturtdylar we ýadygärlik surata düşdiler.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby,
Durnukly Ösüş Maksatlarynyň Ýaş ilçisi.
Bu barada şu ýerde hem okap bilersiňiz:
https://orient.tm/ru/post/51624/simvolicheskoj-posadkoj-derevev-otmetili-v-ashhabade-mezhdunarodnyj-den-zemli-molodye-posly-cur