BÜTINDÜNÝÄ KITAP WE AWTORLYK HUKUGY GÜNI
Birleşen Milletler Guramasynyň internet sahypasynda görkezilişi ýaly, bu güni 23-nji aprelde bellemeklik dünýä edebiýatynyň meşhur wekilleri Migel de Serwantesiň, William Şekspiriň, Inka Garsilaso de la Weganyň aradan çykan gününi ýatda saklamaklygyň hormatyna saýlanyldy.
Aň-bilimi, durmuşyň ähli ugurlaryny şöhlelendirmegiň, ýaýratmagyň iň möhüm serişdesi we ygtybarly usuly bolan kitabyň goralyp saklanmagyny göz öňünde tutup, 1996-njy ýylyň 23-nji aprelinde ilkinji gezek Bütindünýä kitap we awtorlyk hukugy güni bellenildi. Bu senäni bellemeklik hakyndaky çözgüt ÝUNESKO-nyň 1995-nji ýylyň 15-nji noýabrynda geçiren 28-nji sessiýasynyň Rezolýusiýasy esasynda kabul edildi.
2000-nji ýyldan bäri ÝUNESKO we üç sany esasy kitap pudagyna wekilçilik edýän halkara guramalar – neşirýatçylar, kitap satyjylar we kitaphanalar her ýyl şäherleriň birine Bütindünýä kitap paýtagty diýen hormatly ady dakýarlar.
Muhammetaly ANNAMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 1-nji ýyl talyby.