Britan Geňeşiniň Özbegistan we Merkezi Aziýa ýurtlary boýunça ýurt direktorynyň ýolbaşçylygyndaky wekiliýet bilen geçirilen duşuşyk
2024-nji ýylyň 12-nji noýabrynda Türkmenistanyň Daşary işler ministrliginiň Halkara gatnaşyklary institutynda Britan Geňeşiniň Özbegistan we Merkezi Aziýa ýurtlary boýunça ýurt direktorynyň ýolbaşçylygyndaky wekiliýeti bilen institutyň ýolbaşçy düzüminiň we professor-mugallymlarynyň duşuşygy geçirildi. Duşuşyga Türkmenistanyň Daşary işler ministrliginiň Halkara gatnaşyklary institutynyň ylmy işler boýunça prorektory B.Mätliýew, Halkara gatnaşyklary we diplomatiýa kafedrasynyň uly mugallymy M.Berdinyýazow, Dünýä dilleri kafedrasynyň müdiriniň uly mugallymy M.Atajanowa we Britan Geňeşiniň Özbegistan we Merkezi Aziýa ýurtlary boýunça ýurt direktory Deniz Woddingem, Britan Geňeşiniň iňlis dili boýunça bilermeni, Norwiç uniwersitetiniň wekili Wendi Koulson, Beýik Britaniýanyň we Demirgazyk Irlandiýanyň Birleşen Patyşalygynyň Türkmenistandaky ilçihanasynyň Syýasy bölüminiň başlygy Myrat Kakajykow gatnaşdylar.
Duşuşygyň dowamynda institutyň ylmy işler boýunça prorektory institutyň döredilmeginiň taryhy, gurluşy, kafedralaryň we fakultetleriň alyp barýan işleri, institutda hereket edýän okuw we ylmy merkezleri, daşary ýurt döwletleriň ýokary okuw mekdepleriniň birnäçesi bilen alnyp barylýan oňyn hyzmatdaşlyk barada gürrüň berdi.
Duşuşygyň ahyrynda taraplar geljekde ikitaraplaýyn hyzmatdaşlygy has-da ösdürmek we pugtalandyrmak bilen bagly möhüm işleri durmuşa geçirmekligi ara alyp maslahatlaşdylar. Şeýle duşuşyklaryň yzygiderli guralmagy ylym-bilim ulgamyny has-da ösdürmekde, özara tejribeleri paýlaşmakda uly mümkinçilikleri döredýär.
Şasenem MEÝLISOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.