BITARAPLYK SYÝASATYNA BAGYŞLANAN OKUW-USULY SEMINARY
2026-njy ýylyň 15-nji sentýabrynda Türkmenistanyň Daşary işler ministrliginiň Halkara gatnaşyklary institutynda Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Gurbanguly Berdimuhamedowyň Bilimler we talyp ýaşlar güni hem-de 2026-2027-nji okuw ýylynyň başlanmagy mynasybetli Arkadag şäheriniň Ruhyýet köşgünde geçiren okuw sapagynyň taryhy ähmiýetini okuw ýylynyň dowamynda has içgin düşündirmek, wagyz-nesihat etmek boýunça geçirilmeli çäreleriň meýilnamasyna laýyklykda, “Türkmenistanyň Bitaraplyk syýasaty” atly okuw-usuly seminary geçirildi. Bu okuw-usuly seminaryna ýokary okuw mekdepleriniň talyp ýaşlary we orta okuw mekdepleriniň okuwçylary gatnaşdylar.
Geçirilen bu okuw-usuly seminary institutyň Halkara gatnaşyklary we diplomatiýa kafedrasynyň mugallymy Suraý Öwliýagulyýewa alyp bardy. Seminaryň dowamynda mugallym hormatly Prezidentimiziň parasatly baştutanlygynda amala aşyrylýan oňyn Bitaraplyk syýasatynyň ähmiýeti, Türkmenistanyň halkara gatnaşyklaryndaky orny, BMG-niň Baş Assambleýasy tarapyndan ykrar edilen bu taryhy derejäniň ýurdumyza dünýäde ynamdar we jogapkärli hyzmatdaş hökmünde çykyş etmäge mümkinçilik döredýändigi, şeýle hem paýtagtymyzda ýerleşýän Merkezi Aziýa üçin Öňüni alyş diplomatiýasy boýunça sebitleýin merkeziň sebitde parahatçylygy, durnuklylygy saklamakda we gapma-garşylyklaryň öňüni almakda ýerine ýetirýän anyk wezipeleri barada giňişleýin gürrüň berdi.
Okuw-usuly seminaryň ahyrynda talyp ýaşlar we orta okuw mekdepleriň okuwçylary mugallyma özlerini gyzyklandyrýan soraglar bilen ýüzlendieler.
Yhlas MÜLKÜAMANOW,
Türkmenistanyň Daşary işler ministliginiň
Halkara gatnaşyklary institutynyň
Halkara hukugy fakultetiniň 1-nji ýyl talyby