BEÝIK ÝEŇŞIŇ 80 ÝYLLYGYNA
2025-nji ýylyň 28-nji aprelinde Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary kafedrasynyň guramagynda, kafedranyň ýanynda hereket edýän “Paýhas we parasat” ylmy gurnagynyň we “Ýaş diplomatlar” mekdebiniň agzalary bolan mekdep okuwçylarynyň gatnaşmagynda Beýik Watançylyk urşunda gazanylan şanly ýeňşiň 80 ýyllygy mynasybetli “Halk hakydasy” ýadygärlikler toplumyna gezelenç gurnaldy. Gezelenje institutyň höwesjeň talyp ýaşlary, “Parahatçylgyň ýaş çaparlary” akyl-paýhas bäsleşigniň ýeňijileri we “Ýaş diplomatlar” mekdebiniň agzalary bolan mekdep okuwçylary gatnaşdylar. Jemgyýeti öwreniş ylymlary kafedrasynyň mugallymlary tarapyndan guralan gezelenç oňa gatnaşyjylarda ýakymly täsir galdyrdy.
Toplumda “Watan mukaddesligi” muzeýi ýerleşip, ol dört sany zaldan ybaratdyr. Muzeýiň içinde ýerleşdirilen suratlarda elektron gözükdirijiler ýerleşdirilip, “Halk hakydasy” ýadygärlikler toplumynda ýurdumyzda ilkinji bolup gezelençleri guramak üçin sanly tehnologiýadan ulanylandygyny bellemek gerek.
Talyp ýaşlar we mekdep okuwçylar muzeýiň Beýik Watançylyk urşunda türkmenleriň harby gahrymançylygyna, Gökdepe söweşinde görkezilen edermenliklerine bagyşlanan zallaryna aýlanyp gördiler.
Institutyň jemgyýeti öwreniş ylymlary kafedrasynyň mugallymlary tarapyndan gurnalan gezelenç oňa gatnaşyjylarda ýakymly täsir galdyrdy. Elbetde, şeýle medeni çäreler ýaşlarymyzy watançylyk ruhunda terbiýelemeklige, olarda şanly taryhymyza gyzyklanma döretmekde uly tejirbe bolup hyzmat edýär.
Nurgeldi ATAÝEW,
Türkmenitanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.