ÝUNESKO klublarynyň gatnaşmagynda webinar geçirildi

25/09/2023

981

2023-nji ýylyň 20-nji sentýabrynda Türkmenistanyň Daşary işler ministrliginiň Halkara gatnaşyklary institutynda ÝUNESKO klublarynyň we birleşikleriniň Bütindünýä federasiýasynyň (WFUCA) webinary geçirildi.
Webinara ýurdumyzyň ýokary okuw mekdeplerinde hereket edýän ÝUNESKO klublarynyň wekilleri gatnaşdylar. Webinaryň dowamynda oňa gatnaşyjylar öz çykyşlarynda ÝUNESKO klublarynyň diňe bir halkara medeni gatnaşyklary berkitmekde däl-de, eýsem jemgyýetiň medeni ösüşi arkaly parahatçylygy we durnuklylygy gazanmakda aýratyn ähmiýetini bellediler.
1981-nji ýylda döredilen ÝUNESKO klublarynyň we birleşikleriniň Bütindünýä federasiýasy (WFUCA) dünýäniň 80-den gowrak döwletlerinde hereket edýän 3800-den gowrak ÝUNESKO klublaryny birikdirýär.
Gülşirin KADYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.