Ylymly nesiller — ýurduň geljegi
2022-nji ýylyň 9-njy iýunynda paýtagtymyzdaky Erkin döredijilik mekanynda Türkmen döwlet neşirýat gullugynyň hem-de «Nesil» gazetiniň redaksiýasynyň bilelikde guramagynda Ylymlar güni mynasybetli «Ylymly nesiller — ýurduň geljegi» atly döredijilik duşuşygy geçirildi. Bu duşuşyga halypa žurnalistler, gazet-žurnallaryň ýaş döredijilik işgärleri hem-de Türkmenistanyň Daşary işler ministrliginiň Halkara gatnaşyklary institutynyň žurnalistika hünäri boýunça bilim alýan talyplar gatnaşdy.
Duşuşygyň dowamynda çykyş edenler hormatly Prezidentimiziň alyp barýan parasatly döwlet syýasaty, Watanymyzda ýaşlara döredilýän mümkinçilikler, Gahryman Arkadagymyzyň eserleriniň ýaş nesliň durmuşyndaky orny hem-de ýurdumyzda žurnalistikanyň ösüşi hakynda giňişleýin gürrüň etdiler. Çykyşlarda bellenilişi ýaly, şeýle duşuşyklaryň yzygider geçirilmegi ýurdumyzda halypa-şägirtlik ýaly asylly ýörelgelere pugta eýerilýändigini aýdyňlygy bilen görkezýär.
Gurbansähet GURBANSÄHEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.