Ýewropa Bileleşiginiň “SECCA” programmasynyň çäklerinde guralan okuw sapary
2023-nji ýylyň 26-njy noýabry - 2-nji dekabry aralygynda Türkmenistanyň Daşary işler ministrliginiň Halkara gatnaşyklary institutynyň talyby Rahmangylyç Annageldiýew Ýewropa Bileleşiginiň “SECCA” programmasynyň çäklerinde Latwiýa Respublikasynda okuw saparynda boldy. Okuw saparynyň çäklerinde göz öňünde tutulan meýilnama esasynda 26-njy noýabrda Latwiýa Respublikasynyň Energetika ministrliginiň hünärmeni Inese Bersina bilen okuw duşuşygy geçirildi. Meýilnamanyň ikinji gününde Riga Tehnologik Uniwersitetinde ýokary okuw jaýynyň energetika fakultetiniň dekany Oskars Kriews, şeýle-de professor-mugallymlary tarapyndan ekologiýa, daşky gurşawy goramak, ýaşyl energetika, ýurduň alyp barýan enegetika tygşytlylygy we şu günki ýagdaýy baradaky berilen okuw sapagy has-da täsir galdyrdy. Şeýle hem saparyň dowamynda dostlukly döwletiň Getlini şäheriniň ylmy kitaphanasynda, energiýa durnukly gurulan mekdebinde hem-de energiýa durnuklylygy okuw merkezinde geçirilen duşuşyklar energiýa durnuklylygy, tygşytlylygy we rejeli peýdalanmagyň ähmiýeti babatdaky bilimleri has-da artdyrdy.
Rahmangylyç ANNAGELDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň IV ýyl talyby.