Garaşsyzlyk şamçyragym, Arkadagym Howandarym
«Garaşsyzlyk, Bitaraplyk - ösüşiň goşa ganaty» atly
çeper-publisistik makalalar bäsleşigine
Biziň döwletimiziň 5 müň ýyllyk taryhy bar.Bu toprakda merdana, edermen, garadangaýtmaz we watançy ärleriň, şirleriň, pirleriň we türkmen gerçekdir-ogullarynyň goýup giden mizemez-müdimilik yzy bar.Bu topraga türkmen zenanlarynyň, nuranalygy ýaly päklik, mähir-söýgüsi ýaly muhabbet we zähmetsöýerligi ýaly rehnet siňen.Şonuň üçin hem Türkmen,topragyny mukaddes saýýar.Elbetde,bu toprak mukaddes toprak!Munda pederlerimiziň bize miras goýan baý we şöhratly gejmişi,ýyllar boýy arzuwlan garaşsyz we berkarar zamanasy ýagny,şu güni we beýik geljegi bar.
Hawa bu gün hem bu keramatly, mukaddes, asuda, abadan toprakda, türkmen halky watansöýiji, edermen we merdana pederleriniň sönmez ruhy bilen, dana, alym, pähim-parasatly we sahawatly Arkadagy bilen Garagumuň jümmüşinden diýarymyzyň çar künjüni nazarlap ösüşler ýolunda täze menzillerden täze menzillere sary ýol alýarlar.Garaşsyzlygymyzy alanymyza sanaýmaly üç sany onýyllygyň geçenine garamazdan diýarymyz ösüşleriň beýik basgançagynda dünýaniň iri ösen döwletleri bilen bir hatarda aýakdaş barýar.Bu ýoly hem özüniň merdana ata babalarynyň baý mirasyna ýugrulan parahatsöýüjülikli we ynsanperwer ýörelgelerinden ugur almagy buýançlydyr we bellärliklidir. Çünki biziň ýurdumyzda her bir ösüşüşleriň özeni merdana halkymyz, şol ösüşleriň gönezligi bolsa Gahryman hem Mähriban Arkadagymyzyň hut Özidir.Ynha şu goşa beýik güýç hem birleşip we jebisleşip Watanymyzda dogýan her güni şanly wakalar we ynsanperwer başlangyçlar bilen garşy alyp,ýetilen sepgitleri taryhyň gatyna zerlenen altyn harplar bilen ýazylmagyna ýardam berýär.Bu başlangyçlardyr ýetilýän sepgitler hem Garaşsyz baky Bitarap Türkmenistan ýurdumuzuň Ýer ýüzüne at-abraýyny şöhratly geljegini ykrar etýär.
Ýurdumyzda geçen Garşsyzlyk ýyllarynda täze zawodlaryň, fabrikleriň, mekdepleriň, hassahanalaryň, ýaşaýyş jaýlarynyň, teatrlaryň, muzeýleriň hem-de kitaphanalaryň müňlerçesi, şol döwrüň içinde gurlan awtomobil ýollarynyň we polat ýollarynyň, turbageçirijileriň onlarça müň kilometri, Türkmenistanda öndürilen, dünýä bazarynda bäsdeşlige ukyply önümleriň ýüzlerçe hem-de millionlarça tonnalary , asyryň iri taslamalaryna goýlan milliardlarça maýa goýumlary ýatyr. Bularyň ählisi hem ýurdumuzyň sanaýmalyja ýyllaryň içinde amala aşyran beýik taryhy we ähmiýetli işleriniň ajaýyp miwesidir.
Garaşsyz hem baky Bitarap ülkämizde Milli Liderimiziň ýurdumyzy durmuş-ykdysady taýdan döwrebaplaşdyrmak wezipesini öňde goýýan, täze döwlet ideologiýasynyň berkarar bolmagyna aýratyn ähmiýet berýän we ,,Döwlet adam üçindir!“ diýen şygar astynda ýerine ýetirilýän giň gerimli işlerde her bir pudakda gazanylan asyrlara barabar asylly menzilleri, ýetilen sapaly sepgitleri we taryhy wakalary aýratynlykda belläp geçsek has göwnejaý we ýerlikli bolar.Ynha şol buýsançly gürrüňimiziň başlangyjy hökmünde häzirki wagytda diýarymyzyň iň öňdebarjy senagat pudaklarynyň biri bolan ýangyç-energetika we ulag ulgamlaryny alsak jaýdar bolar.Çünki ýurdumyzda diwersifikasiýalaşdyrmak we döwrebaplaşdyrmak strategiki ugurlara öwrüldi.Transmilli ulag kommunikasiýalaryny döretmek, täze ýataklary özleşdirmek hem-de uglewodorod we mineral serişdeleri dünýä bazarlaryna çykarmak arkaly ýurdumyzyň geosyýasy ýagdaýyny mundan beýläk-de pugtalandyrmak we abadanlaşdyrmak boýunça netijeli işler alnyp baryldy.Howandar Arkadagymyzyň ýolbaşçylygynda senagaty düzümleýin ösdürmegiň meýilnamasynyň alnyp barlyşynda bar bolan önümçilikleriň durkuny täzelemäge we innowasion önümçilikleri döretmäge gönükdirildi we üstünlikli amal edildi.Ýurdumyz birnäçe nebit we gaz ýataklarynyň üstüni açdy we özleşdirdi, gara altynyň hem-de gazyň çykarylyşynyň we eksport edilişiniň germini giňeltdi.Şu ýyllaryň içinde birnäçe döwletlere has dogrusy Eýrana, Hytaýa gaz geçirjiler çekildi.
Ýurdumyzda diňe çig malyndan başgada ekologiýa taýdan arassa benzini we dizel ýangyjyny umumylaşdyryp aýdanymyzda şamçyragymyz bolan Garaşsyzlyk ýyllary içinde Arkadag howandarymyzyň saýasynda milli ykdysadyýetimiziň energetika, ulag , aragatnaşyk, obasenagat toplumynda, bilimde, ylymda, saglykda we maliýe – bank ulgamy ýaly , beýleki strategik ugurlarda beýik we şöhratly işler amala aşyryldy.
Allanazar ALLANAZAROW,
Türkmenistanyň Telekommunikasiýalar we
informatika institutynyň 2-nji ýyl talyby