Bütindünýä metbugat azatlygy güni
Bütindünýä metbugat azatlygy güni 1994-nji ýyldan bäri her ýylyň 3-nji maýynda bellenilip geçilýär. Bu gün barada 1993-nji ýylyň 20-nji dekabrynda Birleşen Milletler Guramasy tarapyndan ýörite Rezolýusiýasy, şeýle-de Ykdysady we Jemgyýetçilik guramasynyň teklibi bilen kabul edildi. Bu gurama 1991-nji ýylyň 6-njy noýabrynda ÝUNESKO-nyň 26-njy konferensiýasyna ýolbaşçylyk edipdi. Bu konferensiýada ÝUNESKO-nyň 3-nji maý senesini teklip etmesi ýöne ýerden däldir. Çünki bu gün “Windhuk” deklarasiýasynyň kabul edilen günüdir.
Her ýyl Birleşen Milletler Guramasynyň baş sekretariýasynda Bütindünýä metbugat azatlygy güni mynasybetli birnäçe hatlary çap edilip, halk köpçüligine ýetirilýär. Maglumata elýeterlilik, adamlaryň habardarlygyny ýokarlandyrmak arkaly ösüş meseleleri çözmeklige uly ýardam edýär. Mundan başga-da, bu gün metbugat işgärleri we Birleşen Milletler Guramasynyň wekilleri maslahatlaşmak üçin ýygnanýarlar.
Bütindünýä metbugat azatlygynyň güni öz Watany üçin wepat bolan žurnalistleriň hatyra güni mynasybetli metbugat işgärlerini hormatlap birnäçe köpçülikleýin çäreler we konferensiýalar geçirilýär.
1997-nji ýyldan bäri bu ugurda tapawutlanan žurnalistlere we ýazyjylara ÝUNESKO-nyň ýörite baýragy gowşurylýar.
Akmuhammet BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.