«BÜTINDÜNÝÄ DURNUKLY ULAG GÜNI» mynasybetli Breýn ring bäsleşigi geçirildi
2023-nji ýylyň 25-nji noýabrynda Türkmenistanyň Daşary işler ministrliginiň Halkara gatnaşyklary institutynda ýaşlaryň halkara hyzmatdaşlygyny işjeňleşdirmek we talyplaryň ylym-bilim we hünär başarnyklaryny kämilleşdirmek maksady bilen, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň guramagynda, Halkara ynsanperwer ylymlary we ösüş uniwersitetiniň, Türkmenistanyň Inžener tehniki we ulag kommunikasiýalary institutynyň, Türkmen döwlet ykdysadyýet we dolandyryş institutynyň, Türkmenistanyň Telekommunikasiýalar we informatika institutynyň, Türkmen döwlet maliýe institutynyň, Türkmenistanyň Daşary işler ministrliginiň Halkara gatnaşyklary institutynyň, Türkmenistanyň Oguz han adyndaky Inžener-tehnologiýalar uniwersitetiniň talyplarynyň arasynda, Türkmenistanyň başlangyjy boýunça Birleşen Milletler Guramasynyň Baş Assambleýasy tarapyndan kabul edilen Kararnama esasynda her ýylyň 26-njy noýabry «BÜTINDÜNÝÄ DURNUKLY ULAG GÜNI» diýip yglan edilmegi mynasybetli Breýn ring bäsleşigi geçirildi. Bäsleşik çekeleşikli ýagdaýda geçdi. Bäsleşigiň emin agzalary bolup, Birleşen Milletler Guramasynyň Ösüş Maksatnamasynyň Türkmenistandaky wekilhanasy we Türkmenistanyň Ministrler Kabinetiniň ýanyndaky Ulag we kommunikasiýalar agentliginiň hünärmenleri gatnaşdylar. Bäsleşigiň netijeleri boýunça 1-nji orna Türkmenistanyň Daşary işler ministrliginiň Halkara gatnaşyklary institutynyň, 2-nji orna Türkmenistanyň Inžener tehniki we ulag kommunikasiýalary institutynyň, 3-nji orna Türkmenistanyň Oguz han adyndaky Inžener-tehnologiýalar uniwersitetiniň talyplar toparlary mynasyp boldular. Ýeňiji bolan talyplara Türkmenistanyň Ministrler Kabinetiniň ýanyndaky Ulag we kommunikasiýalar agentliginiň adyndan gymmat bahaly sowgatlar we degişli diplomlar gowşuryldy.
Myrat MAKSADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.