BAGTYÝAR DÖWRÜŇ BAGTLY TALYBY
Garaşsyz, Bitarap Türkmenistanym,
Goňşy dogan ýurtda belentdir adyň.
Oguz ilden gaýdan Ata Watanym.
Täze döwrüň täze talyplary biz.
Garaşsyz, baky Bitarap Türkmenistan Diýarymyzda her ýylyň 1-nji sentýabrynda Bilimler we talyp ýaşlar güni uly dabara bilen bellenilip geçilýär. Bu döwlet derejesindäki geçirilen çäre täze okuw ýylyna gadam basan başlangyç synp okuwçylardyr talyp ýaşlara ýatdan çykmajak pursatlary bagyş etdi. Çünki okuw otaglaryna ilkinji ädimlerini ätlänlerinde olary täze durmuş, aýdyň geljek garşy alýar.
Maňa hem, 2022-2023-nji okuw ýylynda Türkmenistanyň Daşary işler ministrliginiň Halkara gatnaşyklary institutynyň Halkara hukugy fakultetiniň I ýyl talyby bolmak bagty miýesser etdi. “Halkyň Arkadagly zamanasy” ýylynda institutymyzda Bilimler we talyp ýaşlar güni mynasybetli geçirilen dabaraly çäre mende hem talyp deň-duşlarymda täsin duýgulary galdyrdy. Arkadagly Serdarymyzyň biz talyp ýaşlar barada edýän aladalaryna, ýokary bilim almak üçin döredýän ähli mümkinçiliklerine, biz ýaşlara bildirýän talaplaryna jogap edip, geljekde ökde hünärmenler bolup ýetişmekde öz gujur-gaýratymyzy gaýgyrmarys.
Durdynýaz GUWANJOWA,
Türkmenistanyň Daşary isler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.