“AÇYK GAPYLAR” GÜNI GEÇIRILDI
2023-nji ýylyň 8-nji maýynda Türkmenistanyň Daşary işler ministrliginiň Halkara gatnaşyklary institutynda mekdep okuwçylary üçin “Açyk gapylar” güni geçirildi. “Açyk gapylar” gününde institutymyzyň tejribeli mugallymlary tarapyndan mekdep okuwçylaryna hormatly Prezidentimiziň alyp barýan parahatsöýüjilikli daşary syýasaty, ýurdumyzyň daşary ykdysady gatnaşyklarynyň işjeňleşmegi we Milli Liderimiziň ylym-bilim ulgamyny ösdürmek baradaky özgertmeleriniň durmuşa geçirilişi barada giňişleýin gürrüň berdiler. Institutyň talyp ýaşlary bu ýokary okuw mekdebiniň taryhy, gurluşy we gazanylan üstünlikler barada maglumatlary giňişleýin gürrüň berdiler. Ýörite gurnalan sergi mekdep okuwçylarynda uly täsir galdyrdy. Şeýle-de ýakynda ýurdumyzyň orta mekdepleriniň 11-nji synp okuwçylarynyň arasynda Birleşen Milletler Guramasy tarapyndan yglan edilen Bilimler güni mynasybetli Türkmenistanyň Daşary işler ministrliginiň Halkara gatnaşyklary institutynyň Magtymguly adyndaky Ýaşlar Guramasynyň Merkezi geňeşi bilen bilelikde «Watanyň daýanjy - bilimli ýaşlar, Arkadag Serdaryň guwanjy ýaşlar!» atly Türkmenistanyň taryhy, matematika, türkmen dili, iňlis dili dersleri boýunça geçirilen olimpiadanyň netijesinde ýeňiji bolan mekdep okuwçylaryny sylaglaýyş dabarasy hem boldy. Olimpiadada ýer alan hem-de oňa işjeň gatnaşan mekdep okuwçylary gurnaýjylar tarapyndan taýýarlanan Hormat hatlary we ýadygärlik sowgatlary bilen sylaglandylar.
Selbi TÄŞLIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.