UNHCR-yň wekilleri bilen geçirilen okuw sapagy
2023-nji ýylyň 21-nji noýabrynda Türkmenistanyň Daşary işler ministrliginiň Halkara gatnaşyklary institutynda Birleşen Milletler Guramasynyň Bosgunlaryň işi baradaky Ýokary Komissarynyň Müdirliginiň (UNHCR) wekilleri tarapyndan okuw sapagy geçirildi.
Bu okuw sapagy “Raýatsyzlygyň soňuna çykmak boýunça “I Belong” bütindünýä hereketi” barada bolup, talyp ýaşlarymyza bu guramanyň şol ugurda edýän işleri baradaky bilimlerini has-da kämilleşdirmäge ýardam etdi.
Okuw sapagynyň dowamynda Birleşen Milletler Guramasynyň Bosgunlaryň işi baradaky Ýokary Komissarynyň Müdirliginiň raýatsyzlyk meseleleri boýunça geňeşçisi Sergeý Gaýna, daşary aragatnaşyklar boýunça geňeşçisi Mariko Hall, goraglylyk meselesi boýunça kömekçisi Balžan Oşakbaýewa bu guramanyň edýän işleri boýunça birnäçe gyzykly maglumatlary paýlaşdylar.
Sapagyň dowamynda talyp ýaşlarymyz myhmanlar bilen birnäçe sorag – jogap alyşdylar we ýurdumyzyň UNHCR bilen bilelikde alyp barýan işlerini we hyzmatdaşlygyň mümkinçiliklerini ara alyp maslahatlaşdylar. Bu geçirilen duşuşyk talyplar üçin örän täsirli boldy.
Adolat KURANBAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.