TÜRKMENISTANYŇ ADATDAN DAŞARY WE DOLY YGTYÝARLY ILÇISI OKUW SAPAGYNY GEÇDI
2024-nji ýylyň 13-nji dekabrynda Türkmenistanyň Daşary işler ministrliginiň Halkara gatnaşyklary institutynyň Durnukly õsüş maksatlary boýunça ylmy-usulyýet merkezinde Türkmenistanyň Özbegistan Respublikasyndaky Adatdan daşary we Doly ygtyýarly ilçisi Şadurdy Meredowyň alyp barmagynda okuw sapagy geçirildi. Okuw sapagyna institutyň mugallymlary we talyp ýaşlary gatnaşdylar.
Ilçi okuw sapagynyň dowamynda Türkmenistan bilen Özbegistan Respublikasynyň arasyndaky ikitaraplaýyn gatnaşyklar we halkara guramalarynyň çäklerindäki hyzmatdaşlyk, Özbegistan Respublikasynyň diplomatiýasynyň, has takygy, diplomatik gullugynyň, protokolynyň, etiketiniň aýratynlyklary dogrusynda giňişleýin gürrüň berdi.
Okuw sapagy talyplar üçin örän täsirli bolup, olar özlerini gyzyklandyrýan sowallaryna jogap aldylar.
Dawut GEZEROW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl tayby.