“Parahatçylyk medeniýeti” ÝUNESKO klubynyň Geňeşiniň agzalarynyň mejlisi geçirildi
2024-nji ýylyň 22-nji fewralynda Türkmenistanyň Daşary işler ministrliginiň Halkara gatnaşyklary institutynyň “Parahatçylyk medeniýeti” ÝUNESKO klubynyň Geňeşiniň agzalarynyň maslahaty geçirildi. Maslahatda ÝUNESKO klubynyň agzalarynyň arasyndan Aragatnaşyk we metbugat habarçysyny saýlamak meselesi şeýle-de klubyň dünýäniň beýleki döwletlerinde ýerleşýän ÝUNESKO klublary bilen özara gatnaşyklary ýola goýmak we teleköprüleri gurnamak mümkinçilikleri ara alnyp maslahatlaşyldy. Maslahatda garalan meseleler boýunça birnäçe teklipler diňlenildi. “Parahatçylyk medeniýeti” ÝUNESKO klubynyň Geňeşiniň başlygy Aýna Baýmuradowa daşary ýurtlarda ýerleşýän ÝUNESKO klublary bilen özara gatnaşyklary ýola goýmagyň halkara hyzmatdaşlygyny ösdürmäge şeýle-de talyplaryň bilimlerini artdyrmaga ýardam etjekdigini aýtdy we bular bilen baglanyşykly birnäçe görkezmeleri agzalara tabşyrdy.
Aýgözel AŞIROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa kafedrasynyň öwreniji mugallymy.